O‘zbek-fransuz forumida berilgan oltita va’da

2023-yilning 2-noyabr kuni O‘zbekiston Prezidenti Samarqand shahrida bo‘lib o‘tgan O‘zbekiston-Fransiya biznes-forumi doirasida xorijiy kompaniyalar vakillari bilan uchrashdi.

Factchecknet.uz tahririyati tadbirlarda berilgan oltita va’dani jamladi.

  1. Davlat rahbari “Semmaris” kompaniyasi raisi Stefan Layanining Samarqand, Andijon va Toshkent viloyatida agro logistik majmualarni qurish rejalarini qo‘llab-quvvatladi.
  2. Prezident “Meridiame” kompaniyasi raisi Tyerri Do bilan uchrashuvda kompaniyaning “Yangi Toshkent” qurilishi doirasidagi infratuzilma loyihalarini amalga oshirish istiqbollarini muhokama qildi.
  3. Shavkat Mirziyoyev “EDF” kompaniyasi raisi va bosh direktori Lyuk Remon bilan uchrashib, kompaniyaning Sirdaryo va Surxondaryodagi bug‘ va gazda ishlaydigan elektr stansiyalari qurilishidagi ishtirokini qo‘llab-quvvatladi hamda loyihalarni amalga oshirishni jadallashtirish muhimligini ta’kidladi.
  4. O‘zbekiston rahbari “Lactalis” kompaniyasining Namanganda sut mahsulotlari ishlab chiqarish rejalarini olqishladi.
  5. “Boehringer Ingelheim” kompaniyasi raisi Kristian Vijsen bilan uchrashuvda tomonlar onkologik dori vositalarini birgalikda ishlab chiqarishni tashkil etish istiqbollarini muhokama qildi.
  6. Shavkat Mirziyoyev Fransiya taraqqiyot agentligi bosh direktori Remi Riu bilan uchrashib, agentlikning budjetni qo‘llab-quvvatlash bo‘yicha kelishuvlarni imzolash va hamkorlikning texnik-iqtisodiy loyihalarni tayyorlash bo‘yicha tashabbuslarini qo‘llab-quvvatladi.