Mart oyidan boshlab Telegram-kanallar egalari reklamadan olinadigan daromaddan 50 foizgacha ola boshlaydi. Bu haqda Telegram asoschisi Pavel Durov ma’lum qildi.
“Mart oyidan boshlab bizning reklama platformamiz 100 ga yaqin yangi mamlakatlardagi reklama beruvchilar uchun ochiq bo‘ladi. Bu mamlakatlardagi kanal egalari o‘z kanallarida joylashtirilgan reklamadan tushgan daromadning 50 foizigacha olishlari mumkin bo‘ladi”, — dedi u o‘zining Telegram’dagi kanalida.
Pavel Durov to‘lovlar uchun TON blokcheynidan foydalanilishini e’lon qildi. Bu shuni anglatadiki, daromad ushbu tarmoqning kriptovalyutasi — toncoinda o‘tkaziladi. Qabul qilingan mablag‘lar naqd pulga aylantirilishi yoki kanalni rivojlantirishga investitsiya qilinishi mumkin.
Durovning taʼkidlashicha, hozirda Telegram kanallarining umumiy koʻrishlar soni oyiga trillionni tashkil etadi, reklama orqali yaratilgan ko‘rishlarning atigi 10 foizi daromad keltirmoqda.
Monetizatsiya dasturini cheklash
“The Bell”ning Telegram rejalari bilan tanish bo‘lgan manbalardan olingan ma’lumotlarga tayanib bergan xabariga ko‘ra, Pavel Durov tomonidan e’lon qilingan yangi monetizatsiya sxemasi faqat messenjerning reklama modeli 2024-yil martidan oldin taqdim etilmagan bozorlar uchun mo‘ljallangan.
Pavel Durovning sharhi
Jamiyatning Telegram’da toncoin ulushining ehtimoliy konsentratsiyasi haqidagi xavotirlaridan so‘ng, Durov yechim taklif qildi. Telegram o‘zgaruvchanlikni barqarorlashtirish va kamaytirish uchun ortiqcha TONni investorlarga sotadi.“Yirik investorlar TON sotish jarayonida ishtirok etish uchun yangi investors@telegram.org manziliga murojaat qilishlari mumkin”, — deya xabar berdi Pavel Durov.