Ijtimoiy tarmoqlarda “Shayn Muskat” navli uzumning zararli ekanligi haqidagi mish-mishlar tarqaldi. Ta’kidlanishicha, bu nav tarkibida xavfli miqdorda pestitsidlar va kimyoviy moddalar mavjud. Keling, bu haqiqat yoki yo‘qligini ko‘rib chiqaylik.
HUKM: YOLG‘ON
Do‘konlarga yetkazib beriladigan sertifikatlangan “Shine Muscat” uzumlari iste’mol uchun xavfsiz ekani haqida Qozog‘iston Respublikasi Qishloq xo‘jaligi vazirligi va Respublika o‘simliklar karantini markazi mutaxassislari tomonidan o‘tkazilgan laboratoriya ekspertizasi natijalari dalolat beradi. Xuddi shu xulosani Qozog‘iston Milliy ekspertiza markazi mutaxassislari ham tasdiqladi.
Manbalarga ko‘ra, mahsulotlardagi nitrat miqdori 13,7 mg/kg bo‘lib, bu maqbul ko‘rsatkichdir.
Mish-mishlar qayerdan paydo bo‘ldi?
Xavotirlar meva yetishtirishda agrokimyoviy moddalardan foydalanilgan bo‘lishi mumkinligi haqidagi umumiy faktlar, shuningdek, Tailand tashkilotlarining xavotirlari to‘g‘risidagi Tailand yangiliklari bilan bog‘liq bo‘lishi mumkin. Misol uchun, Tailand pestitsidlar haqida ogohlantirish tarmog‘i, Tailand iste’molchilar kengashi va oziq-ovqat hamda farmatsevtika idorasi 24 xil namunaning 23 tasida pestitsidlarning me’yordan yuqori darajada ekanligini aniqladilar.
Boshqa olimlar o‘zlarining tadqiqotlarini o‘tkazishga qaror qilishdi. Atrof-muhit va suv resurslari vazirligi huzuridagi Singapur oziq-ovqat agentligi namunalarni laboratoriyaga yubordi. Natijada tashvishga sabab yo‘qligi ma’lum bo‘ldi.
Eng muhimi, ishonchli yetkazib beruvchilardan uzum sotib olish va iste’mol qilishdan oldin ularni yaxshilab yuvishdir, bu ko‘plab ehtimoliy muammolardan xalos bo‘lishga yordam beradi.
Agar uzum sertifikatlangan va sanitariya me’yorlariga javob bersa, u holda ular sog‘liq uchun xavf tug‘dirmaydi va boshqa navlardan farq qilmaydi. Muammolar faqat sinovdan o‘tmagan, kelib chiqishi shubhali mahsulotlarni iste’mol qilishda paydo bo‘lishi mumkin.